Mae Adeilad Canolog Peirianneg yn gyfleuster dyfodolaidd sy’n cefnogi dysgu, ymchwil a digwyddiadau arloesol. Mae’r adeilad hwn ar Gampws y Bae yn rhan o’r Gyfadran Gwyddoniaeth a Pheirianneg ac mae’n amlwg am ei bensaernïaeth fodern, ei gyfarpar uwch dechnoleg, ei ddyluniad eang a’i ‘stryd peirianneg’ unigryw sy’n berffaith ar gyfer arddangosiadau.

Mae’r Ffowndri Gyfrifiadol yn gyfleuster o’r radd flaenaf y buddsoddwyd £32.5 miliwn ynddo, ac sy’n ymroddedig i ymchwil, arloesedd a chydweithio ym meysydd cyfrifiadureg, mathemateg a thechnoleg ddigidol. Mae pensaernïaeth a chynllun yr adeilad yn rhoi blaenoriaeth i fannau agored, cydweithredol gydag atriwm ar gyfer arlwyo neu gynnal arddangosiadau.

Mae adeilad yr Ysgol Reolaeth yn gyfleuster modern sy’n amgylchedd ardderchog ar gyfer addysg fusnes, rheoli ac entrepreneuriaeth.

Y Neuadd Fawr yw ein lleoliad amlbwrpas godidog, sy’n cynnwys Awditoriwm Syr Stanley Clarke gyda 700 o seddau. Mae gan y lleoliad lwyfan hyblyg ac acwsteg o’r radd flaenaf gan ei wneud yn lleoliad delfrydol ar gyfer cynnal perfformiadau, cynadleddau a digwyddiadau mawr. Mae’r bensaernïaeth fodern a hanesyddol yn ei gwneud yn lleoliad perffaith ar gyfer creu argraff ar eich gwesteion.